Deputeti i PD-së, Bledjon Nallabati, pas marrjes në pyetje në Prokurorinë e Posaçme pas përplasjes fizike në Kuvend me ligjvënësin e PS-së, Vullneti Sina, ka deklaruar se nuk ka goditur askënd.
Ai deklaroi për mediat, se “të tilla veprime nuk nderojnë askënd”, por theksoi se në Parlament po ndodhin gjëra më të turpshme.
“Qindra miliona euro po shkojnë për PPP-të”, theksoi ai.
“As më goditi dhe as e godita. Unë shkova të marr kartën, ai reagoi në atë mënyrë, patëm një konfrontim fizik dhe kaq. SPAK-u do bëjë punën e vet, në do bëjmë punën tonë. Unë nuk ndërhyj në punën e SPAK-ut. Pa diskutim që ka një vendim që e ka përcaktuar këtë punë, megjithëse ajo që ka ndodhur në rastin e Strazimirit, me atë që ka ndodhur në rastin tonë nuk kanë asnjë ngjashmëri me njëra-tjetrën.
S’kam qëlluar njeri, më ka tërhequr, më ka shtyrë dhe e kam shtyrë. Sigurisht, e kam deklaruar edhe njëherë tjetër që të tilla veprime nuk nderojnë askënd, por po ju bëj të qartë një gjë, që në atë parlament ndodhin gjëra shumë më të turpshme se aq të cilat janë vjedhja masive që po ju ndodh qytetarëve çdo ditë,” – u shpreh deputeti”, u shpreh ai.
Discussion about this post