E Ngarkuara me Punë e Shteteve të Bashkuara në Tiranë, Nancy VanHorn, në takimin e saj të parë me Ministren e Brendshme Albana Koçiu, ka theksuar angazhimin e Presidentit Trump për çrrënjosjen e karteleve dhe grupeve kriminale ndërkombëtare.
Në deklaratën zyrtare thuhet se përmes bashkëpunimit mes forcave të rendit amerikane dhe shqiptare, synohet çmontimi i rrjeteve të paligjshme financiare dhe ndalimi i përdorimit të Shqipërisë si strehë e sigurt për trafikantë dhe elementë të rrezikshëm.
“Duke punuar së bashku, mund të bëjmë të dy vendet më të sigurta”, u shpreh VanHorn.
Deklarata vjen në një moment kur partnerët ndërkombëtarë kërkojnë intensifikim të luftës kundër pastrimit të parave dhe trafikimit ndërkombëtar të drogës, ku emri i Shqipërisë shpesh është përmendur në raportet zyrtare.
Discussion about this post