Vendimi i kryepolicit, Gledis Nano për nënshtrimin e testit të drogës nga uniformat blu, duken se është vënë në zbatim vetëm 48 orë pas firmosjes së këtij vendimi. Mësohet se rreth 200 punojnës policie i janë nënshtruar sot testit të drogës, teksa raportohet se përzgjedhje e tyre është bërë në mënyrë fare rastësore. Efektivët e parë që i janë nënshtruar testit të drogës, kanë qenë nga Drejtoritë Vendore të policisë në Tiranë, Elbasan dhe Shkodër.
Testi i drogës bëhet përmes urinës dhe fijes së flokut për të parë nëse punonjësi i policisë ka konsumuar ose jo i lëndë narkotike të llojit kanabis ose kokainë në muajt e fundit. Marrëveshja e konsiston në krijimin e mundësive për ekzaminimin mjekësor periodik të punonjësve të Policisë së Shtetit, në kuadër të rritjes së standardeve dhe integritetit personal, për të ndaluar përdorimin e lëndëve narkotike nga ana e tyre.
Kryepolici Nano e konsideron këtë test droge si mundësi të vlefshme për rritjen e imazhit të Policisë në komunitet dhe për fitimin e besimit të qytetarëve, sepse kryerja e testit periodik për përdorimin e lëndëve narkotike do të eliminojnë akuzat e dashakeqësitë ndaj Policisë së Shtetit.
Discussion about this post