Drejtori i Përgjithshëm i Policisë së Shtetit, Gledis Nano, ka raportuar në Komisionin e Sigurisë Kombëtare shifrat e kriminalitetit të vitit 2021, nga 1 janari deri më 31 tetor. Nano ka treguar se vetëm për periudhën janar-tetor janë regjistruar 27 mijë vepra penale. Ajo çka bie në sy është se, numër i madh i veprave penale shënohet nga organizatat kriminale dhe krimi në familje.
“Deri më 31 tetor 27 mijë vepra penale, 24 mijë të zbuluara. Ka 1500 vepra penale më shumë. Rënie të veprave penale kundër personit dhe kundër pronës. Rritje të goditjes së korrupsionit dhe pastrimit të parave. Rritje te veprave penale në dhunës në familje dhe qarkullimit rrugor. Kemi asgjësuar 164 mijë e 765 bimë narkotike kanabis. Vepra kriminale të kryera nga grup i strukturuar apo organizata kriminale kanë 39, 18 janë zbuluar, kemi 23 më shumë vepra në krahasim me vitin e shkuar.
Janë sekuestruar asete me vlerë 31 milion euro, në 41 raste. 11 raste me ligjin antimafia 14 milion euro, vitin e shkuar 7 raste.368 hetime pasurore nga 107 vitin e shkuar. Sakaq, 3123 persona në kërkim, 1646 janë kapur nga policia”, deklaroi ai.
Nano theksoi se, këtë vit janë regjistruar më shumë raste të dhunës në familje dhe krim ndaj të miturve. Gjithashtu, i lartë paraqitet edhe niveli i krimeve seksuale, konkretisht 67 raste për këtë vit. “Shqetësues është shifra se 1337 vepra penale janë në dhunën në familje! Urdhër mbrojtje 2754 rase, 370 më shumë nga viti i shkuar. Nga vrasjet 16 janë dhunë në familje. 893 të mitur nga vepra të ndryshme penale, sidomos nga aksidente, dhuna në familje, krimet seksual 67 të mitur,1600 të mitur të përfshirë në aktivitete kriminale. Regjistrohen 56 vrasje, vitin e shkuar ishin 44 vrasje”, tha ai. Pas raportimit të shifrave opozita i kërkoi Nanos që të forcojë mbrojtjen ndaj të miturve, pasi rreziku është i lartë.
Discussion about this post