Napoli, që po dominon në Itali, rishfaqet në skenën europiane me synimin për të vazhduar në momentin e artë dhe për të imponuar lojën e tyre edhe në Champions League. Sonte djemtë e Spallettit janë në skenë në Frankfurt kundër Eintracht në ndeshjen e parë të raundit të 1/8.
Azzurrët i pret një sfidë e komplikuar, përballë atyre që janë mbajtësit e titullit të Europa League, por që aktualisht gjënden në vendin e gjashtë në Bundesligë, 5 pikë pas kreut, që mbahet nga Bayern Munich, Borussia Dortmund dhe Union Berlin. Megjithatë Napoli nuk dëshiron të ndalojë së befasuari.
Spalletti në prag të takimit është shprehur se shanset për kualifikim janë 50 me 50 për të dyja ekipet, duke mos e tepruar për sa i përket forcës së ekipit të tij. E gjithë Europa pret me kuriozitet rikthimin e Napolit në Champions League pas paraqitjeve pozitive në fazën e grupeve dhe marshimit triumfal në Serie A.
Osimhen dhe Kvaratskhelia janë gati të bëjnë diferencën megjithatë ndaj “Shqiponjave” duhet kujdes sepse janë në një formë shumë të mirë dhe shumë të motivuar për të bërë diferencën të shtyrë gjithashtu nga tifozeria e tyre e zjarrtë.
Discussion about this post