Napoli nuk ndalet, “grusht” Torinos për të mbajtur kreun

Napoli vazhdon me ecurinë pozitive në Serie A, teksa në përballjen me Torinën ka dalë me pikë të plota.

Napolitanët kanë fituar me shifrat 3-1 ndaj torinezve, në sfidën e luajtur në “Maradona”. Golat në këtë sfidë i shënuan Anguissa në minutën e 6 dhe 12, ndërsa Kvaratskhelia do të gjente rrugën e rrjetës në minutën e 37-të për të çuar shifrat në 3-0.

Ndërkohë për miqtë do të shënonte në minutën e 44-të Sanabria për të ngushtuar shifrat në 3-1.

45-minutat e dytë nuk do të prodhonin asnjë gol, me Napolin që merr kështu edhe fitoren e 4-të rresht në kampionat, ndërsa vazhdon të mbajë kreun e renditjes me 20 pikë në 8-të ndeshje të luajtura, ndërsa Torino mbetet në kuotën e 10-të pikëve në vendin e 9-të.