Tre pikë titulli mund të konsiderohen ato të Napolit në përballjen me Atalantën. Skuadra e Antonio Contes ia doli të fitojë 2-3 ndaj një kundërshtari që në fazën e parë kishte humbur 0-3. Nëse për Napolin ka gëzim të madh pas këtij suksesi, e kundërta thuhet për Atalantën, që me këtë disfatë duket se doli nga gara për titullin.
Fillimisht zhbllokoi Retegui me një supergol, ndërsa me të njëjtën mënyrë iu përgjigj Napoli me Politanon, ndërsa po brenda pjesës së parë McTominay përmbysi shifrat. Në fraksionin e dytë Lookman barazoi përkohësisht, por Lukaku ende s’e kishte thënë fjalën e fundit. Napoli tani e sheh vetën në krye me 6 pikë më shumë se Interi ndjekës edhe pse zikaltërit kanë 2 ndeshje më pak. Për të shijuar këtë fitore, edhe pse në orët e vona të natës, Napoli u prit nga 5 mijë tifozë të cilët ishin shumë entuziazt dhe besonin fort tek titulli.
Në La Liga Barcelona, atëherë kur pritej më shumë të kishte sukses, barazoi 1-1 kundër Getafes edhe pse kaloi shumë shpejt në avantazh. Katalanasit vijojnë të humbasin terren për titullin, pasi në 8 ndeshjet e fundit në kampionat kanë fituar vetëm 1.
Discussion about this post