Victor Osimhen është kthyer në ‘mollën e sherrit’ mes skuadrës së Napolit dhe Kombëtares së Nigerisë.
Lojtari është rikthyer nga dëmtimi dhe menjëherë është bërë çështje, pasi vendi i tij ka vendosur që të grumbullojë sulmuesin në kuadër të Kupës së ardhshme të Afrikës dhe ia ka komunikuar këtë gjë klubit të De Laurentis.
Ky lajm nuk është mirëpritur nga Napoli që po përpiqet që të përdorë si arsyetim prognozën 90-ditore që mjekët i dhanë lojtarit pas operacionit në mënyrë që të mos e lejojnë të largohet.
Osimhen rifilloi stërvitjen ditën e mërkurë edhe pse ishte i vetëm në palestër, përpara se të zbresë në fushë për t’iu bashkuar shokëve të skuadrës. Ai do vazhdojë kështu pa e pasur të nevojshme të mbajë një maskë që mbron mollëzën dhe syrin e operuar.
Gjë që lë të kuptohet se sulmuesi mund të rikthehet në fushë përpara plotësimit të 90 ditëve, por me Nigerinë në skenë gjërat vështirësohen, pasi këta të fundit nuk kanë ndërmend të heqin dorë nga njëri prej lojtarëve më të mirë të tyre./K.T/Gijotina.com
Discussion about this post