Revolucion përsa i përket fanellave te Napoli. Muajt e fundit raportohet se klubi ka mbyllur marrëveshjen me sponsorin teknik, Kappa dhe duket se nuk ka ndërmend të firmosë me një tjetër sponsor, por do të merret vetë me këtë biznes.
Nga Italia tregojnë se fanellën e re të Napolit do e dizenjojë një emër i madh i botës së modës, megjithëse nuk ka shumë lidhje me futbollin dhe sportin në përgjithësi. Giorgio Armani do të projektojë fanellat dhe Onis ka marrë përsipër prodhimin e tyre.
Kështu, Napoli sezonin e ardhshëm nuk do të ketë një sponsor teknik, duke ndjekur shembullin e Vllaznisë në vendin tonë, që prej dy vitesh tashmë nuk e ka një sponsor teknik dhe i prodhon fanellat vetë. Edhe paratë e shitjeve Napoli do i marrë vetë.
