Fjala kyç e Napolit në prag të sfidës me Sassuolon është, ekuilibër. Ndeshja e javës së 23-të ndaj emilianëve është e rënmdësishme për të mbajtur distancat e pandryshuara me vëndin e dytë. Luciano Spalletti, duhet të planifikojë gjithashtu edhe takimin e rëndësishëm të sezonit, përballë Frankfurtit në Champions League. Tani, lind pyetja, “Axurrët”, do bëjnë, turn-over ndaj Sassuolos?
Të paktën në disa reparte tekniku livornez duket se nuk do lëvizë shumë ekuilibrat. Në mbrojtje, Kim pritet ta nisë si titullar, me Rahmanin që ka për të bërë pushim, duke u zëvëndësuar nga Juan Jesus. Në mesfushë, më në fund, titullar Eljif Elmas, mesfushori nga Çairi i Shkupit, ka mundësi të tregojë që e meriton fanellën e titullarit pse jo edhe në Champions.
Për sa i përket sulmit, duket se “Lucianone”, do t’i besojë dyshes së mrekullueshme, Victor Osimhen-Kvicha Kvaratshkelia.
Në takimin që do të nisë sonte në 20:45, Napoli do të ketë mbështetjen e plot 10 mijë tifozëve që pritet të udhëtojnë nga Kampania drejt Rexho Emilias.
Discussion about this post