Ish-deputeti Nard Ndoka do t’i futet një fushe të paeksploruar më parë deri më tani për të. Bëhet fjalë për fushën e moderimit, pasi do të drejtojë një emision në televizionin Top Channel.
Emisionit “E Diell” do ti shtohet një rubrikë e re e cila do të quhet “Hola Nardi”. Kjo rubrikë e re do të prezantohet nga ish-deputeti dhe në parim do të ketë të ftuar nga e gjithë bota.
Siç jemi mësuar ta shikojmë më parë Ndokën, këtë herë emisioni i ti nuk do të jetë politikë, por do të merret me politikën ku do të përcillet tek publiku përmes sarkazmës dhe humorit.
Vetë, Nard Ndoka është shprehur se përveç shumë politikanëve të tjerë, të ftuar do të ketë edhe kryeministrin Edi Rama, për një arsye të veçantë, specifikisht për t’i treguar që show bëhet në emision dhe jo në Kongres.
Gjithashtu, së fundmi Ndoka zbuloi dhe një të ftuar tjetër, që pritet të jetë edhe ish-kryeminsitri italian Silvio Berlusconi.
“Do të kemi edhe Berlusconin, kemi kontaktuar edhe me të”.
Discussion about this post