Një asteroid mjaft i madh për të shkatërruar një qytet do të kalojë midis orbitave të tokës dhe hënës gjatë kësaj fundjave.
BBC raporton se asteroid i quajtur si 2023 DZ2 është zbuluar një muaj më parë, ndërsa do të kalojë nga hëna para se të fluturojë pranë tokës disa orë më vonë.
Vlerësohet që asteroidi të jetë midis 40 dhe 90 metra në diameter, ndërsa është e para herë që një asteroid kaq i madh të afrohet kaq shumë afër planetit.
Sipas NASA-s, është një mundësi e rëndësishme për astronomët që të rrisin njohuritë e tyre për asteroidët, në rast se zbulohet një objekt i rrezikshëm me potencial për të goditur tokën.
“Nuk ka asnjë shans që ky “vrasës i qytetit” të godasë tokën, por qasja e tij e afërt ofron një mundësi të madhe për vëzhgime,”- është shprehur shefi i mbrojtjes planetare të Agjencisë Evropiane të Hapësirës, Richard Moissl.
Njoftohet se asteroid do të jetë i dukshëm përmes dylbive dhe teleksopëve të vegjël në të gjithë globin.
Objekti duket se do të kthehet drejt orbitës së Tokës në vitin 2026, por shkencëtarët e kanë përjashtuar atë si një kërcënim për planetin në atë rast.
Discussion about this post