Sipas një studimi të ri, shkencëtarët e NASA-s besojnë se atmosfera e Tokës do të zhduket brenda miliarda viteve të ardhshme, shkruan indy100.com.
Sipas ekspertëve kolapsi do të fillojë vetëm pas 10 000 vjetësh, që nuk është aq larg sa duket.
Shkencëtarët nga NASA dhe universiteti ”Toho” i Japonisë janë përqendruar në marrëdhënien midis niveleve të oksigjenit të planetit dhe ngrohjes graduale të Diellit në një përpjekje për të kuptuar evolucionin e atmosferës së Tokës.
Siç e dimë të gjithë, klima e Tokës pritet të ngrohet, por ajo që mund të mos e dimë është se shkëlqimi i Diellit pritet gjithashtu të rritet.
Ngrohja e Tokës do të shkaktojë zbërthimin e dyoksidit të karbonit (CO2) në atmosferë, që do të thotë se planeti do të ketë vështirësi në rritje në këto kushte, pasi kërkon dyoksid karboni për fotosintezën.
Dhe nëse bimët nuk do të mund të mbijetonin, atëherë do të ishim në telashe, pasi Dielli është burimi kryesor i oksigjenit të Tokës.
Mungesa e oksigjenit do të shkaktojë humbjen e shtresës mbrojtëse të ozonit të planetit, që do të thotë se nivele të larta të rrezatimit ultravjollcë mund të arrijnë sipërfaqen e Tokës.
Në të njëjtën kohë, metani, një gaz serrë, do të grumbullohet në ajër, duke i bërë kushtet jo ideale për njerëzit.
”Ky deoksigjenizim i madh do të rezultojë në përqendrime të larta të metanit, nivele të ulëta të CO2 dhe mungesë të një shtrese ozoni në atmosferën e Tokës”, sipas udhëheqësit të kërkimit Kazumi Ozaki.
Lajmi i keq është se njerëzit dhe speciet e tjera, të cilat gjithashtu mbështeten në oksigjen për jetën, nuk do të jenë në gjendje të mbijetojnë në këtë lloj mjedisi, veçanërisht pasi ekspertët vlerësojnë se nivelet e oksigjenit mund të bien një milion herë krahasuar me nivelet aktuale.
Ndoshta mikroorganizmat anaerobe mund të mbijetojnë atmosferën e re toksike, pasi ato nuk kanë nevojë për oksigjen si ne.
Nuk do të ishte hera e parë që Toka ka përjetuar një atmosferë të tillë, pasi ajo ekzistonte miliarda vjet më parë, para Ngjarjes së Madhe të Oksidimit, e cila çoi në atmosferën e pasur me oksigjen që kemi sot.
Për fat të mirë për ne, sigurisht, nuk kemi pse të shqetësohemi se kjo do të ndodhë gjatë jetës sonë.
Ndërkohë, të kuptuarit e këtyre gjetjeve është jetike për ne këtu në Tokë, pasi mund të ndihmojë gjithashtu në ofrimin e informacionit të mëtejshëm për astronomët që përpiqen të gjejnë jetë në eksoplanetë me atmosfera të pasura me oksigjen.
Por, edhe nëse një planet ka oksigjen, nuk është e garantuar të mbetet i tillë përgjithmonë.
Discussion about this post