Nata e Bardhë do të rikthehet sërish pas një periudhe të vështirë pandemike, ku qytetarët u privuan nga festimi i kësaj nate të shumëpritur. Pas dy vitesh të vështira për shkak të tërmetit dhe pandemisë, kryeqyteti shqiptar do t’i rikthehet festës.
Sheshi Skënderbej, Rruga Pjetër Bogdani në zonën e ish-Bllokut, rruga “Mustafa Matohiti”, Reja, Sheshi Italia dhe Parku Rinia, do të jenë gjashtë lokacionet ku po festohet Nata e Bardhë në kryeqytet. Pritet që në këtë natë të mos mungojnë surprizat dhe organizimet për fëmijët të cilat këtë vit u përqendruan në Parkun Rinia.
Disa nga artistët performues të këti viti janë Ronela Hajati, Mato Lale, Irkenc Hyka, Lindi, Krusita, Urban Band etj., duke e kthyer “Natën e Bardhë” shqiptare një event kulturor që e afron Tiranën me shumë qytete europiane.
Discussion about this post