Që pasi gjykata mori vendimin, Saimir Tahiri ndodhet në godinën nr.2 të burgut 313 për të vuajtur dënimin e caktuar, ndërsa është në observim. Bëhet me dije se, Ish-ministrit të Brendshëm Saimir Tahirit, iu lejua të kishte brenda qelisë në burgun 313, vetëm rroba dhe cigare.
Tahiri u njoh ditën e djeshme me vendimin e formës së prerë nga Apeli i Gjykatës kundër Korrupsionit dhe Krimit të Organizuar, duke u dënuar me 5 vite burg për “shpërdorim detyre”, por për shkak përfitimit nga të gjykimit të shkurtuar do të vuaj 3.4 vite.
Gjykata e Apelit la në fuqi vendimin e marrë në vitin 2019 nga Gjykata e atëhershme e Krimeve të Rënda, por me ndryshimin që dënimin ai do të duhet ta vuajë në burg dhe jo me shërbim prove.
Discussion about this post