Arrestohet personi që dyshohet se ka kërcënuar me vdekje Presidentin e Republikës së Portugalisë, Marcelo Rebelo de Sousa. Sipas mediave të huaja, i dyshuari ka precedentë penalë të lidhur me krime dhune dhe se ka qenë i dënuar më parë.
Në tetor, burri dërgoi një letër ku kërkonte 1 milion euro për të mos vrarë presidentin. Në atë letër, kishte një numër të llogarisë bankare në të cilën duhet të bëhej transferimi dhe një plumb.
Në nëntor, Marcelo Rebelo de Sousa e minimizoi situatën, duke theksuar se kishte marrë më shumë “kërcënime” kur kishte një program televiziv në RTP dhe TVI sesa në Belém.
“Kush ecën në këtë jetë, dhe unë kam 30 vjet që eci, ka me dhjetëra. Ndodh. Nuk i kushtoj shumë rëndësi,”-tha ai.
Marcelo Rebelo de Sousa, 74 vjeç, një ish-profesor juridik dhe komentator politik, u zgjodh president i Portugalisë në vitin 2016, por vazhdoi të angazhohej me bashkatdhetarët e tij pa i kushtuar shumë vëmendje sigurisë dhe protokollit.
Discussion about this post