Nations League/ Kroacia e pëson në fund, takimi shkon në shtesë

Në takimin që po luhet në stadiumin e Roterdamit, Kroacia po barazon me Holandën, me rezultatin 2-2.

Ndeshja nisi e ekuilibruar me të dy ekipet që studiuan njëra tjetërn, gjatë minutave të para.

Megjithatë, ekuilibri u prish në minutën e 31’, falë golit të Malen, që dërgoi në ekstazë, publikun vendas. Me avantazhin e djemve të Koeman, u mbyll pjesa e parë e takimit.

Në pjesën e dytë, atëherë kur pritej që të administronte epërsinë, Holanda e pësoi me anë të një penalltie. Në minutën e 55’, ishte Kramaric, ai që u tregua i skatë nga 11 metrat.

Kroacia, u motivua shumë, nga goli i shënuar, duke e shtuar intensitetin e sulmeve të tyre, megjithëse, holandezët nuk e humbën toruan.

Rezistenca e vendasve, “çedoi” në minutën e 73’, me Pasalic që realizoi nga brenda zonës, duke bërë që të shpërthente festa në sektorin e tifozëve kroatë.

Drama ama, nuk kishte fund me aq, me Holandën që barazoi shifrat në minutën e 96’, duke e dërguar kështu takimin në kohën shtesë.