Krerët e shteteve anëtare të NATO-s kanë nisur në orën 15:00 një takim të jashtëzakonshëm virtual për të diskutuar rreth përgjigjes ndaj Rusisë pas nisjes se pushtimit te Ukrainës. Kjo është një mbledhje të jashtëzakonshme, pasi Rusia po sulmon të gjithë territorin e Ukrainës dhe raportet orë pas ore tregojnë se ushtria ka përparuar drejt Kievit.
Takimi i 30 shteteve anëtare te NATO-s kryesohet nga Sekretari i Përgjithshëm Jens Stoltenberg. Kryeministri i Shqipërisë, Edi Rama, bëri të ditur mëngjesin e te premtes se do të marrë pjesë në Samitin e Jashtëzakonshëm të NATO-s.
“Pas Samitit të Jashtëzakonshëm të NATO-s që do të mbahet gjatë ditës, do të zhvillojmë një konferencë të jashtëzakonshme për shtyp në orët e mbrëmjes, në varësi të përfundimit të Samitit” – ka shkruar Rama.
Ditën e sotme u të sulmit, Presidenti i Ukrainës Vlodymyr Zelensky i pari i cili, në rusisht, i bëri thirrje drejtpërdrejtë Vladimir Putinit, duke i kërkuar të ulen në tryezën e bisedimeve që të ndalen vdekjet e qytetarëve të pafajshëm.
Thirrjes së Zelensky, zëdhënësi i Kremlinit Dmitry Peskov iu përgjigj duke thënë se Rusia është gati për bisedime me Ukrainën në Minsk, kryeqyteti i Bjellorusisë. Këtë takim Rusia e ka kushtëzuar me deklarimin e një “statusi neutral” të Ukrainës. Kjo do të thotë se Ukraina duhet të marrë angazhimin se nuk do të anëtarësohet në NATO dhe të jetë si një hapësirë neutrale mes Rusisë dhe Aleancës.
Discussion about this post