Asambleja Parlamentare e NATO-s ka njohur krimet qw Rusia ka kryer nw Ukrainë si akte gjenocidale, sipas kreut të delegacionit ukrainas Yehor Chernev në rrjetin social Facebook.
“Asambleja Parlamentare e NATO-s njohu krimet e Rusisë kundër Ukrainës si gjenocid dhe regjimin terrorist të Federatës Ruse si racist”, tha Chernev.
Sipas tij, Asambleja Parlamentare e NATO- s ftoi gjithashtu qeveritë e vendeve anëtare që të shpallin hapur në samitin në Vilnius (më 11-12 korrik) se Ukraina do të bëhet anëtare e Aleancës dhe të bien dakord për hapat e ardhshëm konkretë për anëtarësimin e Ukrainës në NATO.
“Janë hedhur themelet për samitin e NATO-s në Vilnius. Qëndrimin e tyre e shprehën deputetët e vendeve të Aleancës. Tani u takon qeverive”, theksoi kreu i delegacionit ukrainas në Asamblenë Parlamentare të NATO-s.
Discussion about this post