Turqia pritet të ratifikojë kërkesën e Suedisë për anëtarësim në NATO brenda disa javësh, tha sot ministri i Jashtëm suedez, duke cituar homologun e tij turk.
“Kam pasur bisedime dypalëshe me kolegun tim, ministrin e jashtëm, në të cilat ai më tha se pret që ratifikimi të ndodhë brenda javësh” u tha Tobias Billstrom gazetarëve përpara një takimi të ministrave të jashtëm të NATO-s.
“Ministri i Jashtëm turk (Hakan Fidan) nuk paraqiti një datë, por tha ‘brenda javësh’, se pret ratifikimin e protokollit të anëtarësimit në NATO. Kështu më tha dje,” vuri në dukje ministri i Jashtëm suedez.
Dje, ministri i Jashtëm turk u tha homologëve të tij të NATO-s se po punon shumë për të ratifikuar anëtarësimin e Suedisë në NATO, i cili aktualisht po debatohet në parlamentin turk.
Në të njëjtën kohë, një zyrtar i lartë i Ministrisë së Jashtme amerikane deklaroi se kreu i diplomacisë turke vlerëson se deri në fund të vitit Ankaraja do të ratifikojë protokollin për përfshirjen e Suedisë në Aleancën Veriatlantike.
Discussion about this post