Shefi i Organizatës së Traktatit të Atlantikut të Veriut (NATO), Jens Stoltenberg deklaroi se Ukraina do të bëhet anëtare e aleancës në të ardhme, por theksoi se çështja imediate është që ajo të mbetet një komb i pavarur përballë pushtimit të Rusisë.
Siç raportojnë mediat e huaja, Stoltenberg në një konferencë për shtyp me kryeministren finlandeze Sanna Marin theksoi se kur të përfundojë lufta duhet të sigurohen që historia të mos përsëritet.
“Aleatët e NATO-s kanë rënë dakord që Ukraina do të bëhet anëtare e aleancës sonë, por në të njëjtën kohë kjo është një perspektivë afatgjatë”, u tha Stoltenberg gazetarëve gjatë një vizite në kryeqytetin e Finlandës, Helsinki.
Pas pushtimit të Rusisë, presidenti i Ukrainës Volodymyr Zelenskyy i ka kërkuar aleancës ushtarake të udhëhequr nga SHBA-ja që t’i japë vendit të tij një anëtarësim të shpejtë.
Ukraina aplikoi për anëtarësim në BE në shkurt 2022, menjëherë pasi u pushtua dhe iu dha statusi i kandidatit në qershor.
Discussion about this post