Aktori dhe regjisori i njohur, Bernard Kokalari ka ndërruar jetë në moshën në moshën 90-vjeçare.
Lajmin e hidhur e ka bërë me dije deputeti Tritan Shehu, i cili shprehet se arti shqiptar humbi një vlerë të spikatur të tij dhe se Gjirokastra humbi një aktor dhe regjisor me kontribute të veçanta.
“Benard Kokalari u nda nga kjo jete! Arti shqiptar humb një vlere te spikatur te tij! Gjirokastra nje aktor, regjizor me kontribute te medha, te veçanta. Nje qytetar te nderuar te saj.
Familja, njeriun e dashur dhe te shtrenjte. Koleget, miqte, art dashesit, qytetaret ne teresi ndjejne vetem trishtim per kete humbje. Ngushellime te sinqerta”, shkruan ai.
Bernard Kokalari lindi me 30 Dhjetor, 1934. Ai ishte një aktor dhe regjisor shqiptar i filmit dhe teatrit Zihni Sako në Gjirokastër dhe një nga themeluesit e parë të këtij teatri.
Discussion about this post