Babai i gazetarit Ronaldo Sharka ka humbur jetën. Ka qenë vetë Sharka që ka ndarë lajmin e hidhur përmes një postimi në rrjetet sociale.
Disa javë më parë, teksa ishte pjesë e shtëpisë së BBVIP, Ronaldo ka folur për sëmundjen e të atit. Ai ka treguar se babai vuante nga tumori.
“Dy muaj para se të futesha këtu ka qenë në sallë operacioni nga ora 9 e mëngjesit deri në 7 të darkës nga kanceri“, u shpreh Ronaldo më 31 Dhjetor për babain e tij.
Megjithatë, pavarësisht sëmundjes së rëndë, i ati nuk nguroi të surprizojë djalin e tij në shtëpinë e famshme.
Në prime-in e djeshëm, drejtuesja e emisionit Arbana Osmani tha se babai i Ronaldos gjendej në reanimacion. “Më lejo të them se Top Channel do të marrë çdo shpenzim që të të vimë në ndihmë sado pak”, tha Arbana.
“Unë dua të falënderoj njerëz që jo vetëm dinë të bëjnë televizion të mirë, por janë dhe modeste. Sara dhe Lori, Ju faleminderit me gjithë shpirt. Unëj am këtu sonte, ai ëhstë atje, sot kam kuptuar shprehejne shqiptarëve që thoin shyqyr që është Big Brother që të heqim mendjen. Unë këtë kam bërë, po heq mendjen nga hallet e mija”, tha Ronaldo i përlotur.
Megjithatë, këtë të Mërkurë ai ndau lajmin se i ati nuk arriti të mundtte sëmundjen.
Discussion about this post