Ndahet nga jeta në moshën 72-vjeçare, ish-Drejtori i Përgjithshëm i Policisë se Shtetit, Fadil Canaj.
Në 40 vjet karriere në Policinë e Shtetit, Fadil Canaj ka mbajtur detyra te ndryshime si:
Shef i Policisë Durrës, Drejtor i Policisë Tiranë, Drejtor i Përgjithshëm, zv ministër i Brendshëm dhe shef kabineti i disa ministrave në vitet 2000-2005.
Mësohet se të dielën më 6 Gusht 2023 do te behën homazhe pranë Drejtorisë se Përgjithshme nga ora 10-12.
Fadil Canaj u dekorua 7 vite më parë me “Çertifikatën për Shërbime të Dalluara” me motivacionin “Për merita të veçanta dhe veprimtari të shquar të treguar në fushën e Sigurisë Publike dhe për zhvillimin e vazhdueshëm të standardeve Policore të ofruara gjatë viteve të punës në shërbim të Policisë së Shtetit”.
Karriera prej 4 dekadash e Fadil Canaj është vlerësuar si udhërrëfyese për shumë punonjës të tjerë Policie.
Canaj e nisi rrugëtimin në Policinë e Shtetit në moshën 21-vjeçare, ndërsa arriti në majat e karrierës duke drejtuar strukturat policore jo vetëm në rang vendor, por edhe në postin e Drejtorit të Përgjithshëm të Policisë. Canaj e ka drejtuar Policinë e Shtetit nga 17 korriku 1990 deri në 1 maj 1992, duke mbajtur mbi supe ndoshta kohën më të vështirë të tranzicionit të ndryshimit nga regjimi komunist në demokraci.
Për disa vite ai ka shërbyer si këshilltar pranë Ministrit të Brendshëm, por edhe si pedagog në Akademinë e Policisë.
“Duajeni Policinë,respektojeni dhe mos e cënoni dinjitetin e saj edhe uniformën. Është shumë e rëndësishme, se tani që jam në qytet unë dëgjoj më shumë sesa dëgjoja kur isha në punë dhe ju dëgjoni më pak sesa dëgjojmë ne.
Qytetarët i duan këta policët e rinj tani mesa dëgjoj e shikoj. Janë më me edukatë janë më në rregull, janë vërtetë fytyra e re e Policisë së Shtetit!”, ishte një nga mesazhet që Fadil Canaj ka përcjellë në publik.
Discussion about this post