Kantautori i njohur italian, Toto Cutugno është ndarë nga jeta këtë të martë një muaj pas ditëlindjes së tij të 80-të, kantautori ndërroi jetë sot rreth orës 16:00 në spitalin San Raffaele në Milano ku ishte shtruar për problemet shëndetësorë që e kishin bërë të evitonte daljet e shpeshta në publik.
Lajmin e dha menaxheri i tij Danilo Mancuso duke shpjeguar se “pas një sëmundjeje të gjatë, këngëtari ishte përkeqësuar muajt e fundit”. Një tjetër pjesë e rëndësishme e muzikës italiane është zhdukur. Këngët që kanë bërë xhiron e botës do të mbeten prej tij, duke filluar nga “L’italiano”, një këngë e vitit 1993.
“Ne jemi ende të shokuar, Toto”, fjalët e para të Nuovo Imaie, në të cilën Cutugno ishte anëtar. “Pak më shumë se një muaj më parë ke kaluar vijën e finishit të 80 viteve. Ti që ke shkruar tekstet e këngëve italiane që të gjithë i mbajnë mend dhe duan t’i këndojnë në të gjitha anët e planetit. Këngë që me bujarinë tënde i ke dhënë edhe kolegëve të tillë si Adriano Celentano, Fausto Leali, I Ricchi e Poveri, Miguel Bosè, Johnny Halliday, Dalida dhe Luis Miguel (përmendja e të gjithëve do të ishte një sukses). Ne do t’ju kujtojmë gjithmonë dhe brenda nesh do t’ju lëmë të këndoni… me kitare ne dore Pershendetje Toto po te pret parajsa. Koleget dhe shoket e tu nga Nuovo Imaie”./RAI
Discussion about this post