Ka ndërruar jetë në moshën 86-vjeçare mjeshtri i humorit shkodran Paulin Preka. Ai është ndarë nga jeta në Itali, pas një sëmundje të rëndë.
Paulin Preka është pjesë e asaj kaste aktorësh të mëdhenj të humorit, të cilët shënjuan emrin e tyre në historinë e artit shqiptar.
Preka numëron me dhjetëra role në teatër dhe kinematografi, ndërsa ka spikatur me estradën e Shkodrës në rang kombëtar dhe ndërkombëtar. Në vitin 1988 mori titullin e lartë Artist i Merituar.
Preka lindur në Shkodër më 2 shkurt 1935 në një familje të varfër, në regjistrin themeltar të Gjendjes Civile është i regjistruar me emrin Palok Prek Gjergji, por duke u rritur filloi të thirrej nga shoqëria Paulin Preka, emër me të cilin njihet sot nga publiku shkodranë e shqiptarë.
