Ish-kryeprokurorja e Tiranës, Elisabeta Imeraj ka humbur nënën. Lajmin e trishtë e ka ndarë vetë Imeraj, përmes një postimi në rrjetet sociale. Ajo ka bërë të ditur se nëna e saj, Zylfije Imeraj u nda nga jeta pasi disa vitesh luftë me një sëmundje të rëndë.
“Jeta ju përket te rinjve…. Sëmundja nuk pyet, unë dhe Ju bashkë luftuam…. Tani është koha të Ju lë “ Me këto fjalë të ndjera, sot më 14 Qershor ndërroi jetë, pas disa vitesh përpjekjeje nga një sëmundje e rëndë, nena ime ZYLFIJE IMERAJ. Një grua plot force, plot shprese, një njeri me virtyte dhe vlera, qe gjithë jetën ua kushtoi fëmijëve. Do jesh gjithmonë mes nesh, me fjalët e tua, me mbështetjen tënde, me dashurinë tënde…Të falenderojmë shumë Mama e dashur….. Dhe të premtoj Amanetin…”, shkruan Imeraj.
Elisabeta Imeraj u shkarkua nga detyra më 27 prill. Komisioni i Posaçëm i Apelimit vendosi unanimisht për shkarkimin e saj nga detyra me pretendimin se nuk justifikonte pasurinë dhe kishte shkelje të karakterit profesional si dhe nuk justifikonte pasurinë. Vetë Imeraj pretendoi në atë kohë se kurrë në jetën e saj nuk ka pasur probleme me pasurinë, e se e vërteta do të dalë.
Discussion about this post