Regjisori dhe producenti Jean-Marc Vallee, i cili fitoi një çmim “Emmy” për regjinë e serialit hit të HBO-së, ka vdekur në moshën 58-vjeçare. Regjisori vdiq papritur në kabinën e tij jashtë Quebec City, Kanada, gjatë fundjavës, sipas përfaqësuesit të tij Bumble Ëard. Familja dhe këshilltarët e afërt të Vallee thuhet se janë ‘tronditur’ nga vdekja, me partnerin e tij producent Nathan Ross që gjithashtu konfirmoi tragjedinë duke bërë homazh në një deklaratë.
“Jean-Marc qëndronte për kreativitetin, autenticitetin dhe duke i provuar gjërat ndryshe. Ai ishte një artist i vërtetë dhe një djalë bujar, i dashur. Të gjithë ata që punuan me të nuk mund të mos shihnin talentin dhe vizionin që ai zotëronte. Ai ishte një mik, partner krijues dhe një vëlla më i madh për mua. Maestros do t’i mungojë shumë, por është ngushëllim kur dihet se stili i tij i bukur dhe puna me ndikim që ai ndau me botën do të vazhdojë të jetojë”, tha Ross.
Regjisori lindi në Montreal dhe studioi filma në Universitetin e Quebec. Ai e filloi karrierën e tij duke regjisur video muzikore dhe filma të shkurtër në fund të viteve 1980 dhe në fillim të viteve 1990 përpara se të bënte debutimin e tij në filmin artistik me “Liste Noire” në 1995.
Discussion about this post