Pensionistja britanike, 83 vjeçare, e cila fitoi famë pasi u martua me një zhigolo 37-vjeçar egjiptian, e quan atë si një ‘rrëmbyes egoist parash’ – tre vjet pasi u martua me të.
Një grua 83-vjeçare, e cila u bë e famshme pas martesës me të dashurin e saj egjiptian, më shumë se gjysmën e moshës së saj, e ka akuzuar atë se e donte vetëm për ti rrëmbyer paratë.
83 vjeçja Iris Jones, u martua me 37 vjeçarin Mohamed Ibrahim në qershor të 2020-tës. E bindur nga fjalët e Ibrahim se e dashuronte në të vërtetë ,ajo i siguroi njerëzit që e kundërshtonin këtë martesë, përfshirë dhe familja e saj, se ata do të kishin një marrëdhënie të gjatë, gjithashtu u mburrej se askush nuk kishte një marrëdhënie seksuale më të shëndetshme se ata.
Një muaj më parë e moshuara lajmëroi me anë të një postimi në Facebook ndarjen nga 37 vjeçari dhe ka treguar me detaje të gjithë ngjarjen mes saj dhe Ibrahimit, që nga mesazhi i parë që çifti kishin shkëmbyer.
“Më 25 qershor 2019, mora një mesazh nga Mohamed dhe u bëmë miq në Messenger. Ai po kalonte një divorc dhe ndjeu se unë isha personi që mund të kuptonte dhe që ai mund të fliste me të. Ai më dërgoi foto të tij dhe unë i thashë:” Së shpejti do të gjesh dikë tjetër, një djalë i bukur si ti. I tregova për veten time, një 79 vjeçare me dy djem të rritur, më të mëdhenj se ai, të dy të martuar dhe që jetojnë jo shumë larg meje. Mesazhet tona për njëri-tjetrin vazhduan dhe unë fillova të kuptoja se ai po bëhej më i dashur dhe më 10 korrik 2019, ai propozoi martesë! Ai nuk e kishte parë kurrë se si dukesha unë dhe reagimi im i parë ishte ‘Ti je i çmendur!’
Por shpërthimi i dashurisë vazhdoi dhe në nëntor 2019 mora aeroplanin për në Kajro dhe e takova.
Kisha marrë disa mijëra paund me vete dhe i pagova të gjitha borxhet e tij pasi ai kishte marrë hua në kartën e tij të kreditit.
Kaluam një kohë të mrekullueshme dhe qëndrova për një muaj. Ne u përpoqëm të martoheshim, por nuk kishim dokumente të sakta.”
Irisi më pas vazhdoi të tregojë se si një zyrtar në Ambasadën Britanike në Kajro, i quajtur John Neil, e paralajmëroi atë që të mos i jepte para, pasi e kuptonte synimin e djalit.
Fatkeqësisht, Irisi nuk i dëgjoi këshillat e tij dhe tregon se si herën tjetër që shkoi për të vizituar Muhamedin mori 15,000 £ dhe ia dha atij.
Ra pandemia dhe përpjekjet për t’u martuar patën pengesa, por në udhëtimin e saj të tretë në 2020 ata u kurorëzuan.
“Kisha 40,000 £ në llogarinë time bankare dhe ia dorëzoja kartën time bankare Mohamedit çdo ditë dhe ne tërhiqnim 1000 paund egjiptian në ditë.
Kjo ishte për të paguar shpenzimet e jetesës, të ngrënit jashtë, një muaj mjalti në Sharm-El-Shiek dhe në përgjithësi për të shijuar jetën luksoze.”
Pas tre muajsh në Egjipt, irlandezja u kthye në Mbretërinë e Bashkuar dhe ndërsa u largua nga Kajro, ajo shkroi se si Muhamedi i kishte thënë: ‘Kontrollo llogarinë tënde bankare kur të kthehesh në Heathrow’.
Discussion about this post