Dritan Goxhaj është thirrur dhe është marrë në pyetje për më shumë se tre orë në Drejtorinë Vendore të Policisë Tiranë, lidhur me deklarata të bëra prej tij në një emision televiziv rreth pesë muaj më parë.
Dritan Goxhaj ka deklaruar se është thirrur për të dhënë shpjegime lidhur me një debat televiziv të zhvilluar muaj më parë. Sipas tij, policia është kujtuar sot për një deklaratë që ka qenë publike, e regjistruar dhe e aksesueshme për këdo që prej ditës kur është transmetuar.
Në atë emision, gjatë një debati mes të ftuarve, Goxhaj kishte deklaruar se ndryshimet politike, përveç protestës, historikisht janë bërë edhe “me plumb”, duke thënë se “çdo politikan që shet atdheun meriton një plumb, si akti i Avni Rustemit”. Një deklaratë e tillë mund dhe duhet të verifikohet nga organet kompetente, nëse dyshohet se përbën nxitje të dhunës. Por problemi nuk është vetëm përmbajtja e deklaratës. Problemi është koha, mënyra dhe urdhri politik që duket se e shoqëron reagimin e institucioneve.
Pikërisht këtë mëngjes, videoja e vjetër është shpërndarë publikisht nga kreu i grupit parlamentar të Partisë Socialiste, Taulant Balla. Pak orë më vonë, Policia e Tiranës thërret Goxhajn dhe e mban për disa orë në pyetje.
gijotina.com/
Discussion about this post