Ndalimi i djalit të tij në Kosovë, ironizon Vuçiç: Kurti nuk është aq i guximshëm kur është në shoqërinë time. Slogani “dorëzimi nuk është opsion” është për jetë

Presidenti serb Aleksandër Vuçiç në një deklaratë për mediat përgjatë inaugurimit të unazës rreth Beogradit, nga tuneli i Strazhevicës deri në Bubanj Potok bëri disa deklarata në lidhje me ndalimin e djalit të tij Danilo, nga Policia e Kosovës.

Presidenti Vuçiç deklaroi se të ashtuquajturit Policët e Kosovës kanë ndaluar dhe kontrolluar tre herë veturën në të cilën ndodhej djali i tij, duke shtuar se kjo ishte puna e tyre.

“E përgëzoj Albin Kurtin për guximin e tij. Kurti nuk është aq trim kur është në shoqërinë time, por është kur dërgon disa të tjerë të merren me fëmijët e të tjerëve. Vetëm le të vazhdojë. Dorëzimi nuk është opsion, disa do të ishin frikë nga kjo”, tha presidenti Vuçiç.

Presidenti serb Vuçiç shtoi se një ditë do të shkruajë një libër, se i kujton mirë të gjitha, veçanërisht ato që kanë të bëjnë me Kosovën dhe Metohinë.

“Do të jetë interesante për njerëzit”, tha presidenti Vuçiç dhe shtoi se slogani “dorëzimi nuk është opsion” është për jetë.