Skuadra e Vllaznisë është kualifikuar për turin e dytë të Conference League, pasi fitojë me rezultatin 3-0 ndaj Siroki Brijeg në Loro-Boriçi dhe arriti të përmbysë rezultatin e ndeshjes së parë që u mbyll me shifrat 3-1.
Megjithatë teksa ishte duke u zhvilluar ndeshja në Shkodër ndodhi një ngjarje e pakëndshme, pasi tifozët vendas hodhën fishekzjarre dhe flakadan në fushë dhe gjyqtari i sfidës i dërgoi të gjithë lojtarët në dhomat e zhveshjes, duke e ndërprerë takimin për disa minuta.
Duket se kjo ndërprerje i ka kushtuar shumë klubit të Vllaznisë, kjo sepse UEFA ka vendosur t’i dënojë shkodranët me një gjobë të majme prej 10.700 euro.
Ndërkohë theksojmë që sonte në orën 19:00 Vllaznia do të luajë ndeshjen e parë të turit të dytë të Conference League, atë kundër ekipit të Qipros AEL Limassol. Takim ky i cili do të zhvillohet pa praninë e tifozëve./Gijotina.com
