Avokati Altin Goxhaj është shoqëruar mbrëmjen e sotme në polici pasi refuzoi t’i bindej urdhrit të forcave të policisë rrugore për të lëvizur mjetin e tij nga korsia e dedikuar. Ne fakt arsye e vertete eshte se Goxhaj nuk i bindert regjimit te Edi Rames. Aktiviteti i tij ne mbrojtje te te drejtave te njeriut ka sjelle kete reflektim policor per gjoja “mosbindje”
Në një njoftim zyrtar, policia njofton se, në momentin kur efektivët po ushtronin detyrën, një automjet taksi është ndalur pas mjetit të Policisë.
“Efektivët i janë afruar drejtuesit të automjetit dhe i kanë kërkuar të vijonte lëvizjen, por nga mjeti ka dalë shtetasi me iniciale A. B., 26 vjeç, drejtues i taksisë, si dhe Altin Goxhaj, 56 vjeç, me profesion avokat”, thuhet në komunikatën zyrtare.
Sipas policisë, Altin Goxhaj ka kundërshtuar urdhrin e punonjësve të rendit, së bashku me drejtuesin e mjetit, duke mos iu bindur kërkesave për lirimin e korsisë dhe vijimin e qarkullimit.
Reagim i Drejtorisë Vendore të Policisë Tiranë
Më datë 16.04.2026, rreth orës 20:00, Patrulla e Përgjithshme e Komisariatit të Policisë Nr. 2, duke patrulluar në rrugën “Kavajës”, ka ndaluar për të marrë masa ndaj drejtuesve të automjeteve të parkuara në korsinë e dedikuar.
Në kohën kur punonjësit e Policisë ishin duke kryer detyrën, një automjet taksi është parkuar mbrapa makinës së Policisë.
Punonjësit e Policisë i janë afruar dhe i kanë kërkuar drejtuesit të automjetit të vijojë lëvizjen, por nga mjeti taksi, që drejtohej nga shtetasi A. B., 26 vjeç, doli shtetasi A. G., 56 vjeç (avokat), i cili ka filluar të ofendojë dhe, së bashku me drejtuesin e automjetit, nuk i janë bindur urdhrit të punonjësve të Policisë që ishin duke kryer detyrën, për të vijuar lëvizjen.
Në këto kushte, punonjësit e Policisë kanë shoqëruar në ambientet e Komisariatit të Policisë Nr. 2 shtetasin A. G., i cili edhe gjatë shoqërimit ka vijuar të kundërshtojë punonjësit e Policisë.
Në përfundim të veprimeve të para procedurale, shtetasi A. G., u procedua penalisht për veprën penale “Mosbindja ndaj urdhrit të punonjësit të Policisë së rendit publik”.
Drejtoria Vendore e Policisë Tiranë është e angazhuar maksimalisht për të respektuar liritë dhe të drejtat e qytetarëve, si dhe për të përmbushur detyrën që i ngarkon ligji.
gijotina.com/
Discussion about this post