Katër shtetas kinezë janë ndaluar nga policia e Fierit, pasi dyshohen për spiunazh. Shoqërimi i tyre është bërë në 6 tetor ndërsa policia nuk ka dhënë asnjë deklaratë për shtyp lidhur me hetimet për këtë rast. Shtetas kinezë dyshohet se kanë fotografuar në zonë me objekte të rëndësisë së veçantë.
Ata janë marrë në pyetje nga agjentë të antiterrorit dhe policia e Fierit, duke mohuar se kanë qëllim spiunazhin. Sipas tyre ata kanë ardhur në Shqipëri, për punë. Pas verifikimit rezultoi se 4 shtetasit kinezë ishin punonjës të një kompanie nafte në qytetin e Fierit.
Pas verifikimit të bluve të Fierit rezultoi se ata ishin me dokumentacion të rregullt. Pas marres së deklarimeve, shtetasit e huaj janë liruar. Por sipas burimeve dhe informacioneve që Fax news ka siguruar mësohet se autoritetet vijojnë hetimet lidhur me këtë rast.
Sipas informacioneve, shtetasit kinezë vijojnë të jenë në survejim të autoriteteve, ku për rastin përveç antiterrorit është vënë në dijeni edhe Shërbimi i Intelegjentës shqiptare për këtë rast, ku shtetasit e dyshuar për spiunazh vijojnë të jenë në vëzhgim.
Discussion about this post