Ndalohet “Audi A6” me 48 kg drogë në Elbasan, në pranga 4 persona

Policia e Elbasanit ka sekuestruar 48 kg lëndë narkotike e dyshuar cannabis sativa, 2 automjete, 3 aparate celulare dhe 1 thikë. Në pranga janë vënë 4 shtetas, të cilët janë kapur në flagrancë duke transportuar lëndën narkotike të sekuestruar nga policia. Mësohet se shtetasit e arrestuar kishin për qëllim shitjen e saj. Mjetet ku u gjet sasia e lëndës narkotike janë një mjet tip ”Audi A6” dhe “Volkswagen, ku janë gjetur dhe 1 thikë dhe 3 aparate celulare.

Ndërkohë shtetasit e arrestuar janë M., 25 vjeç, M. H., 22 vjeç, F. Y., 25 vjeç, banues në Vlorë dhe P. B., 22 vjeç, banues në fshatin Pilur, Himarë. Vijon ende puna për identifikimin dhe kapjen e personave të tjerë të implikuar në këtë veprimtari kriminale. Materialet i kaluan Prokurorisë, për veprime të mëtejshme, për veprat penale “Prodhimi dhe shitja e narkotikëve”, kryer në bashkëpunim dhe “Prodhimi, mbajtja, blerja apo shitja pa leje e armëve të ftohta”