Një ngjarje e çuditshme ka ndodhur në Pakistan, ku makinist treni është pezulluar nga puna pasi bëri një ndalesë të paplanifikuar për të blerë kos. Shërbimi i pasagjerëve kishte nisur udhëtimin e tij në qytetin lindor të Lahore dhe po lëvizte në jug drejt Karaçit.
Sipas Glogal village, një video e asistentit të shoferit duke marrë ushqimin nga një dyqan në rrugë para se të ngjitej përsëri në tren ka qarkulluar në mediat sociale. Incidenti të hënën ngriti pyetje në lidhje me sigurinë dhe rregullimin e hekurudhave në Pakistan, ku aksidentet janë të zakonshme për shkak të keqmenaxhimit dhe neglizhencës. Kjo ngjarje u bë virale në rrjetet sociale. Në një deklaratë, ministri i hekurudhave të vendit, Azam Khan Sëati, paralajmëroi se ai nuk do të lejojë askënd të përdorë asetet kombëtare për përdorim personal.
“Kur ndalon një tren në mes të shinave kthehet një problem sigurie. Siguria është prioriteti ynë. Ne nuk mund të tolerojmë asgjë që rrezikon sigurinë“, tha Syed Ijaz-ul-Hassan Shah, një zëdhënës i ministrisë së hekurudhave.
Ministri veproi pasi një video u bë virale në mediat sociale që tregonte një shofer treni duke ndaluar dhe duke blerë kos nga një dyqan. Pasi klipi ngriti shumë kritika, ministri e urdhëroi administratën e Hekurudhave të Pakistanit në Lahore të pezullonte shoferin Rana Mohammad Shehzad dhe ndihmësin e tij Iftikhar Hussain.
Discussion about this post