Ndarja e banesave sociale, plas sherri në Këshillin Bashkiak të Kukësit

Procesi për ndarjen e së banesave sociale ndezi debatin në Këshillin Bashkiak të Kukësit, pasi propozimi i kryetarit u kundërshtua nga disa anëtarë. Gjici tha se prioritet nga bashkia do të jenë ato familje që nuk kanë asnjë përkrahje sociale, ndërsa familjet e tjera që kanë lidhje me anëtarë të këshillit bashkiak apo funksionarë të tjerë të bashkisë do të kalojnë në plan të dytë.

Në këtë moment, një anëtar i këshillit bashkiak të Kukësit tha se nuk ka përse të penalizohet nga ky vendim i Gjicit një kushëri i tij (djali i hallës), i cili ka fëmijë invalidë. Ai kërkoi që të mos përjashtohet i afërmi prej faktit ka lidhje farefisnore me të.

Kryebashkiaku Gjici u përgjigj se kjo skemë bën fjalë për ata persona që kanë vëlla ose motra në bashki, jo në distancë të largët. Safet Gjici është akuzuar se ka shpërndarë banesa sociale për njerëzit e tij të afërt.

DEBATI

Safet Gjici: As familjarët e kryetarit të bashkisë, as familjarët e drejtorëve të institucioneve të bashkisë, as familjarët e anëtarëve të Këshillit nuk mund ti fusin prioritet për ndarjen e banesave. Natyrisht kemi disa familjarë të disa drejtorëve që kanë edhe invalidë brenda pa diskutim nga ana njerëzore jemi dakord pavarëisht se e ka vëllain drejtor. Ne nuk i shesim banesat, banesat i shet enti i banesave ne bëjmë procedurën ne bëjmë 70+40 familje dhe i dërgojmë emrat në entin e banesave. Nuk e besoj që ju jeni dakord që një anëtar i këshillit bashkiak të fitojnë banesa para këtyre 70 që janë prioritet do të kontrollohen dhe do të futen në sitë sepse kanë bërë dokumentacion fallco.

Safet Gjici: S’ke ca kundërshton, cfarë do të thuash ti, unë them gjë tjetër ti thu gjë tjetër.

Anëtar i këshilli bashkiak: Unë kam djalin e hallës ai ka fëmijë invalidë, përse të penalizohet ai nga unë që jam anëtar i këshillit bashkiak? Ai ka hallet e tij, çlidhje ka me mua.

Safet Gjici: E ke gabim sepse atë nuk e kap sepse është larg shumë ai, ne kemi thënë për familjarët, vëlla e motër.

Safet Gjici: Ne nuk jemi kundër atyre që kanë invalidë dhe mos penalizohen meqë jemi ne kryetarë bashkie apo anëtarë këshilli apo drejtorë, por në listën prioritare do të vendosen ata familje që realisht nuk kanë asnjë mbështetje dhe kurrë nuk mund ta marrin një shtëpi