Ndarja e çmimeve mbrëmjen e djeshme nga FIFA ka marrë vëmendjen e mediave.
Lojtari “The Best” për vitin 2021 u shpall sulmuesi polak i Bayern Munich, Robert Lewandowski, duke mposhtur rivalin e tij Lionel Messi, pasi ky i fundit fitoi “Topin e Artë”.
Ajo që bie në sy në garën për lojtarin më të mirë të vitit që shkoi, është pozicionimi i Cristiano Ronaldos, ku ishte rezervuar vetëm vendi i 7-të në renditjen e FIFA-s.
Pasi u bënë publike edhe votimet e trajnerëve, kapitenëve, gazetarëve dhe tifozëve, ajo që tërheq vëmendjen është votimi i trajnerit të Portugalisë, Fernando Santos.
Trajneri i kombëtares së tij nuk e ka preferuar yllin portugez as në “Top 3-shen” e tij.
Kanté, Jorginho dhe Lewandowski janë 3 lojtarët më të mirë sipas Santos, ndërsa sulmuesit të Manchester United i duhet të ngushëllojë veten me çmimin special të FIFA-s, si golashënuesi më i mirë në histori me kombëtaren e tij.
Discussion about this post