Ndarja nga jeta e Nishanit, Këlliçi: Mirënjohës përjetë për këshillat e tij

Deputeti demokrat Belind Këlliçi ka reaguar për ndarjen nga jeta të ish presidentit Bujar Nishani duke thënë se është i hidhëruar për vdekjen e tij.

Në një postim në Facebook, deputeti i PD shkruan se i është mirënjohës përjetë për këshillat dhe bashkëpunimin si demokrat ish presidentit.

“I hidhëruar nga ikja e President Bujar Nishanit! Ngushëllime bashkëshortes, fëmijëve, të afërmve dhe miqve që i kishte të panumërt për vetë personalitetin dhe zemërgjerësinë e tij! Do ta kujtoj miqësinë e tij dhe i jam mirënjohës përjetë për këshillat dhe bashkëpunimin si demokrat! I nderuar që e njoha nga afër! I përjetshëm qoftë kujtimi i President Nishanit!”, shkruan deputeti i PD.