Skuadra e Napolit do të ketë një humbje të madhe për të paktën një muaj. Dëmtimi i Victor Osimhen në fund të ndeshjes Inter-Napoli, një takim për t’u harruar nga këta të fundit, mund ta lërë lojtarin për një kohë të gjatë jashtë fushave, të paktën kështu bëri me dije klubi i kaltër.
“Testet instrumentale që iu nënshtrua Victor Osimhen në fund të ndeshjes Inter-Napoli treguan fraktura të shumta të zhvendosura të orbitës dhe mollëzës së majtë. Lojtari do t’i nënshtrohet një operacioni në ditët në vijim dhe do të qëndrojë nën vëzhgim në spitalin Niguarda në Milano sonte”,- njoftoi Napoli në ‘Twitter’.
Ndonëse nuk bëhet me dije koha e rikuperimit, duke marrë parasysh sa i rëndë ishte dëmtimi dhe faktin që do bëhet një ndërhyrje kirurgjikale atëherë kuptohet që Osimhen do i duhet të qëndrojë për gjatë jashtë fushave.
Dëmtimi i marrë nga një përplasje në ajër me Skriniar, e detyroi nigerianin të largohej nga fusha gjatë pjesës së dytë.
Kjo ngjarje do bëjë që sulmuesi nigerian të humbasë ndeshjet me Lazion, Sassuolo dhe Atalanta në kampionat, si dhe ato me Sparak dhe Leicester në Europa League, të gjitha këto në një kohë që ai po kalonte formën më të mirë të tijën./K.T/Gijotina.com
Discussion about this post