Ndërhyhet nga ajri për shuarjen e flakëve në malin e Gjalicës

Prej nëntë ditësh vijojnë që të jenë aktive vatrat e zjarrit në Malin e Gjallicës ku si pasojë kanë djegur 10 hektar me pisha të larta e bimësi.

Ndërkaq sipas informacioneve mësohet se për të shuar këto vatra zjarri këtë të premte është bërë i mundur edhe ndërhyrja nga ajri.

Ndërkohë deri më tani për shkak të flakëve janë shkrumbuar 10 hektar me pisha të larta e bimësi.

Sipërfaqja e djegur është zgjeruar pavarësisht ndërhyrjes me mjete rrethanore nga punonjësit e institucioneve.

Një helikopter ushtarak po kryen operacionin e hedhjes së ujit mbi vatrën e zjarrit. Gjithashtu pritet që gjatë fundjavës të ketë prani të reshjeve të shiut që do e ndihmojë më shumë neutralizimin e këtyre flakëve.