Ambasadorja amerikane Yuri Kim ka reaguar menjëherë pas deklaratave të ish-kryeministrit Sali Berisha se ajo po ndërhyn në sistemin e drejtësisë, duke iu bërë presion gjykatësve dhe prokurorëve.
Kim hedh poshtë akuzat për presion, por shprehet se ajo ka inkurajuar gjyqtarët të bëjnë punën pavarësisht kërcënimeve, ndërsa shton se SHBA do të vazhdojë të mbështesë reformën në Drejtësi.
“Nëse “ndërhyrja në procesin gjyqësor” nënkupton inkurajimin e gjyqtarëve dhe prokurorëve që të bëjnë punën e tyre pavarësisht kërcënimeve apo nxitjeve, duke e bërë të qartë, SHBA do të vazhdojë të mbështesë zbatimin e reformës në drejtësi në Shqipëri, duke nënvizuar se askush nuk është mbi ligjin, dhe duke kërkuar që të gjithë ne duhet të bëjmë pjesën tonë për të luftuar kundër korrupsionit dhe mosndëshkimit, atëherë PO, SHBA e ka bërë dhe do të vazhdojë ta bëjë pikërisht këtë – sepse lufta kundër korrupsionit dhe përpjekjet për të minuar demokracinë përbëjnë një interes thelbësor të sigurisë kombëtare të SHBA-së”, shprehet Kim.
Më herët Berisha i kërkoi Yuri Kim që të heqë dorë nga presionet e saj mbi sistemin e drejtësisë, ndërsa marrëdhëniet mes të dyve janë prej kohësh mjaft delikate ku herë pas herë kanë sulmuar në distancë njëri-tjetrin.
Discussion about this post