Një problem teknik në rrjetin bullgar të furnizimit me gaz, ka bërë që të ndalet transporti i gazit natyror në Rumani, Serbi dhe Hungari.
Kompania “Bulgartransgaz” tha se avaria ndodhi në orët e mëngjesit në afërsi të fshatit verilindor Vetrinos. Ekipet po punojnë në zëvendësimin sa më të shpejt të asaj pjese të tubacionit të gazit. Furnizimi në Serbi dhe Hungari është pezulluar, ndërsa në Rumani u ndërpre, teksa u rivendos më pas. Përmes rrjetit të saj, Bullgaria transporton gazin rus në Serbi dhe Hungari.
Në Bosnje u njoftua se furnizimet me gaz do të kufizoheshin ndërsa për konsumatorët që përdorin burime alternative të energjisë furnizimi do të ndërpritet. Kantoni i Sarajevës është gjithashtu konsumatori më i madh i gazit në Bosnje dhe Hercegovinë.
Serbia është plotësisht e varur nga gazi natyror i ardhur nga Rusia. Vetëm 13% e nevojave përmbushen nga prodhimi i brendshëm.
