Seanca e sotme parlamentare është shoqëruar me përplasje të shumta. Arsyeja është se zëvendëskryetarja Ermonela Felaj i hoqi fjalën deputetes së Partisë Demokratike, Jorida Tabaku. Konflikti mes tyre ndodhi pasi Tabaku mori fjalën për procedurë, por që Felaj nuk e lejoi pasi sipas saj po përdorte një gjuhë pa etike ndaj kolegëve.
“Kur të mësosh t’u drejtohesh me edukatë të gjithë kolegëve atëherë do ta marrësh fjalën. Sa kohë komunikon pa etikë, nuk mund të grifshën nga aty ku je. Fjalën e ka zonja Hoti”, u shpreh Felaj.
Më pas, Tabaku kërkoi që të ndërpritej seanca pasi duhet të bënte ankesë për këtë vendim të Felajt, gjë që u pranua.
“Kërkoj dy minuta pushim në emër të grupit për të bërë ankesë ndaj drejtueses së Kuvendit për uzuprim për të drejtën e të folurës, për fyerjen është në etikën tuaj dhe me sa ju njoh ju mungon dhe nuk ua jap dot unë”, tha Tabaku.
Discussion about this post