Ndërpritet sfida Egnatia-Partizani, sulmuesi bie pa ndjenja në fushë

Frikë e madhe për Dwamena-n, sulmuesin e Egnatias që rrëzohet papritur në tokë.

Në minutën e 25-të lojës, Dwamena u rrëzua në fushën e blertë pa ndjenja, duke sjellë frikë dhe ankth të lojtarët, stafet e dy ekipeve, por dhe të tifozëve.

Menjëherë, sulmuesi ka marrë ndihmën e mjekëve, ndërsa në fushë u fut edhe ambulanca duke bërë që lojtari të transmetohet menjëherë drejt spitalit për një kurim më të specializuar.

Kujtojmë që Dwamena ka pasur probleme me zemrën në të kaluarën.

Supersfida midis Egnatias dhe Partizanit hap javën e 13-të të Superiores, me të dyja skuadrat që duan tre pikët për të udhëhequr të vetëm kampionatin.

Rrogozhinasit vijnë në këtë takim nga fitorja përballë Erzenit fundjavën e kaluar me rezultatin minimal, 0-1.