Fatkeqësisht ka ndërruar jetë në moshën 92-vjeçare Ahmad Jamal, pianisti, kompozitori dhe ‘drejtuesi’ i rrymës xhaz. Vajza e tij, Sumayah Jamal, konfirmoi lajmin duke treguar se shkaku i vdekjes ishte kanceri i prostatës. Duke filluar një karrierë profesionale muzikore që në moshën 14-vjeçare, gjatë 7 dekadave Jamal bëri një tingull unik që kapërceu kufijtë e zhanrit. Minimalist, klasik, modernistë dhe pop, Ahmad ndonjëherë krahasohej me Thelonious Monk përsa i përket aftësisë së tij për të inovuar dhe influencuar muzikantë të tjerë.
I lindur si Frederick Russell Jones në Pittsburgh në vitin 1930, Jamal filloi të luante muzikë në moshën 3-vjeçare kur një xhaxha e sfidoi që ta kopjonte në pianon e familjes. Ai filloi të merrte trajnime formale kur ishte 7-vjeç, më pas nisi të kompozonte në moshën 10-vjeçare.
Ai e gjeti veten të tërhequr nga veprat e kompozitorëve klasikë francezë Maurice Ravel dhe Claude Debussy. Në fillim të adoleshencës ai po performonte në klube nate. Pasi u martua, i ndjeri u vendos në Çikago në vitin 1950 dhe u konvertua në Islam nga besimi baptist i familjes së tij, duke u bërë një nga interpretuesit e parë afrikano-amerikanë që foli publikisht për besimin e tij mysliman.
Discussion about this post