Këngëtari i njohur, Tom Parker ka ndërruar jetë në moshën 33-vjeçare, pasi u diagnostikua me kancer në tru.
Lajmin e hidhur e bëri të ditur bashkëshortja e këngëtarit përmes një postimi në Instagram.
“Me zemrën të thyer, konfirmojmë se Tom ndërroi jetë paqësisht sot me gjithë familjen pranë tij. Na janë thyer zemrat”, ka shkruar ajo.
“Tom ishte qendra e botës sonë dhe ne nuk mund ta imagjinojmë jetën pa buzëqeshjen e tij dhe pa praninë energjike”, shtoi bashkëshortja e këngëtarit.
Kelsey, më pas falënderoi fansat e Tom për mbështetjen e tyre:
“Ne jemi vërtet mirënjohës për shprehjen e dashurisë dhe mbështetjes dhe kërkojmë që të gjithë të bashkohemi për të siguruar që drita e Tomit të vazhdojë të shkëlqejë për fëmijët e tij të bukur,” përfundoi ajo.
Tom, i cili kishte një vajzë dhe një djalë me Kelsey-n, u diagnostikua me një tumor të trurit të paoperueshëm të njohur si glioblastoma në tetor 2020, duke e ndarë lajmin përmes Instagramit.
Discussion about this post