Ndërron jetë refugjati sirian, u gjet i ngrirë te “Zogu i zi”

Një refugjat sirian është gjetur i ngrirë mëngjesin e sotëm në zonën e “Zogut të Zi” në Tiranë.

Dyshohet se viktima ka ndërruar jetë si pasojë e të ftohtit, ndërsa policia njoftoi se viktima është rreth 30 vjeç.

“Në Rrugën e Durrësit, në rrugë është gjetur nga kalimtarët, pa shenja jete, një shtetas i huaj, rreth 30 vjeç, ende i paidentifikuar. Nga këqyrja paraprake nuk janë konstatuar shenja dhune dhe dyshohet se vdekja ka ardhur nga shkaqe natyrale. Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi policia.