Ka ndërruar jetë në spital 38-vjeçari shqiptar, me origjinë nga qyteti i Vlorës që ra pre e një atentati një natë më parë në Athinë. Mediet fqinje bëjnë me dije se i linduri në vitin 1983, identiteti i të cilit nuk dihet ende ka ndërruar jetë gjatë orëve të natës.
Ai kishte marrë katër plumba, dy në kokë e dy në bark dhe nuk mundi që tu rezistojë dot plagëve të shkaktuara prej tyre. Dëshmitarët okularë të krimit kanë zbardhur dhe detaje në lidhje me autorin. Ata janë shprehur për mediat se autori që shkrepi armën mbante veshur një xhaketë gri dhe se nga vendi i krimit ishte larguar me një makinë po ngjyrë gri.
Viktima kishte në pronësi një klub nate dhe ishte i njohur për autoritetet pasi ishte hetuar më parë për trafik droge dhe prostitucion, por nuk ishte ngritur asnjë akuzë zyrtare ndaj tij.
Ai po pinte kafe në një bar në Rrugën Liosion 104 pranë Sheshit Attiki në Athinë, kur u qëllua një natë më parë. Tashmë hetimet kanë nisur dhe pista kryesore është ajo e pazareve të drogës.
