Ndërsa Lamine Yamal festonte 19 vjetorin e tij të lindjes me kualifikimin për në finalen e Botërorit 2026, në Esplugues de Llobregat, qytetin ku ai banon në Katalonjë, grabitës tentuan të hynin në banesën e tij.
Sipas të përditshmes, ‘La Vanguardia’, tentativa për grabitje nuk përfundoi mirë sepse rojet private të futbollistit të përfaqësueses spanjolle e kuptuan këtë nga telekamerat e sigurisë dhe bënë që keqbërësit të arratisen.
Në të njëjtën zonë, gjatë mëngjesit u denoncuan 2 grabitje të kryera në shtëpitë e personave të tjerë, por nuk dihet me siguri nëse bëhet fjalë për të njëjtët grabitës që tentuan të hynin në banesën e Yamal.
Sidoqoftë, punonjësit e sigurisë së futbollistit bënë denoncimin në polici që nisi një hetim. Dyshimi është se hajdutët u tërhoqën nga koleksioni i bizhuterive dhe orëve të futbollisti, por gjithsesi do të jetë hetimi që do të tregojë gjithçka. Për më tepër, shtëpia e Lamine Yamal ka qenë në kronika edhe në të kaluarën pasi aty kanë banuar më parë Gerard Pique dhe këngëtarja Shakira.
Discussion about this post